అమెరికాలో ఈ ఏడాదిలోనే మరోసారి కరోనా వైరస్ శాఖోపశాఖలుగా విజృంభించే అవకాశం ఉందని, అది ఇప్పటి కోవిడ్ 19 కన్నా ఎక్కువగానే ఉండవచ్చని అమెరికా ఉన్నతస్థాయి ఆరోగ్యాధికారి ఒకరు హెచ్చరించారు. ది వాషింగ్టన్ పోస్ట్ పత్రికతో సెంటర్ ఫర్ డిసీజ్ కంట్రోల్ అండ్ ప్రివెన్షన్ డైరెక్టర్ రాబర్ట్ రెడ్ఫీల్డ్ మాట్లాడుతూ అమెరికాను ఒకసారి ప్లూ మహమ్మారి, కరోనా వైరస్ అంటువ్యాధి చుట్టుముడతాయన్నారు. రెండూ ఒకేసారి ఉధృతంగా విజృంభిస్తే ఆరోగ్య సామర్థ్యం పరంగా పరిస్థితి చాలాచాలా ఘోరంగా ఉంటుంది. ఆరోగ్య రక్షణ వ్యవస్థ ఏ స్థితికి దిగజారుతుందో చెప్పలేం. అదృష్టమేమంటే ప్లూ వ్యాధి బాగా తగ్గుముఖం పట్టిన సమయంలో కరోనా వైరస్ వచ్చింది. అయితే, రాబోయే చలికాలంలో మా దేశంపై వైరస్ దాడిచేసే అవకాశం ఉంది. అమెరికాలో మిగతా సీజన్లకన్నా చలికాలం గడపడం చాలా కష్టం అని ఆందోళన వ్యక్తం చేశారు. కరోనా వైరస్ను నిరోధించే చర్యలు కొనసాగుతాయని, మరింతగా పరీక్షలు జరుగుతాయని వైట్హౌస్ సృష్టం చేసింది.
No comments:
Post a Comment